XV Toshkent xalqaro kinofestivali (keyingi o‘rinlarda Festival deb yuritiladi) milliy kinematografiyaning azaliy anʼanalarini asrab-avaylash va rivojlantirish, O‘zbekiston Respublikasida madaniy-maʼrifiy faoliyatni yana-da rivojlantirish hamda xalqaro miqyosda madaniy aloqalarni takomillashtirish, vatanparvarlikni tarbiyalash, xalqlar o‘rtasidagi do‘stlik va birodarlikni mustahkamlash, turli mamlakatlar o‘rtasidagi ijodiy hamkorlik ko‘lamini kengaytirish, mashhur Toshkent xalqaro kinofestivalini qayta tiklash, shuningdek, O‘zbekiston Respublikasi Prezidentining 2021 yil 7 aprelda qabul qilingan “Kino sanʼati va sanoatini yangi bosqichga olib chiqish, sohani davlat tomonidan qo‘llab-quvvatlash tizimini yana-da takomillashtirish to‘g‘risida”gi PF-6202-son Farmoni ijrosini taʼminlash maqsadida o‘tkazilmoqda.