Press-brifingda «Ipak Yo‘li durdonasi» XV Toshkent xalqaro kinofestivali doirasida milliy kinoloyihalar taqdimoti o‘tkazildi.
«Ipak Yo‘li durdonasi» Toshkent xalqaro kinofestivali maydonchasida bo‘lib o‘tayotgan press-brifing doirasida “Bahodir Yalangto‘sh” tarixiy badiiy filmi, shuningdek, “Buyuk Аmir va Donna Mariya” kartinasining taqdimoti o‘tkazildi. Bundan tashqari, “Mening mahallam”, “Tokioga g‘alaba yo‘li” hujjatli filmlari, “Uch qahramon”, “Epidemiya” zamonaviy filmlari taqdim etildi.
Har bir kartina haqida brifing qatnashchilariga film prodyuser va rejissyorlari batafsil so‘zlab berishdi. Mehmonlarga qo‘shni pavilyonda o‘tkazilayotgan “Yalangto‘sh” filmini suratga olish jarayonlarini ham ko‘rsatishdi.
Brifing ishtirokchilari davlatimizning bugungi kunda kinematografiya sohasiga qaratayotgan eʼtibori sabab, sifatli va qiziqarli kartinalar suratga olish, shuningdek, butun dunyodan hamkasblar bilan ishlash imkoniyati paydo bo‘lganini taʼkidlashdi.
