- Festival qiziqarli voqealarga boy bo‘ldi. Endi Kevin Speysining oldiga yaqinlashib bo‘lmaydi. Lekin nega odamlar janob Speysidan O‘zbekiston yoki festivalning o‘zi haqidagi taassurotlarni emas, qanday qilib rejissyor yoki aktyor bo‘lishni so‘rashlari menga qiziq bo‘ldi, - dedi jurnalist. - Festival haqida gapiradigan bo‘lsak, unda hamma narsa juda chiroyli: sahna, yorug‘lik, ovoz. Toshkent juda samimiy va yordamga shay odamlar shahri ekanligini angladim.
O‘zbekiston yangi biznes, yangi investitsiyalarga ochiq. Bu mamlakat London, Nyu-York, Gollivud, Bollivuddan prodyuserlarni olib kelmoqchi va ular buni yaxshi uddalashmoqda. Umid qilamanki, yildan-yilga tadbir yanada yaxshiroq tashkil qilinadi. Tez orada yangi investitsiyalar asosida studiyalar quriladi va yangi texnologiyalar paydo bo‘ladi, bu soha katta kuchga aylanadi. Va men yangi loyihalar hayotga tatbiq qilinishini sabrsizlik bilan kutaman, chunki yangi studiyalar ulkan kreativ g‘oyalar maydoniga aylanadi. Toshkent nafaqat O‘zbekistonning, balki butun Markaziy Osiyoning kino va prodyuserlik poytaxtiga aylanadi.
Bu yil O‘zbekistonga jahon kino sanoatining yirik namoyondalari keldi. O‘ylaymanki, festival tashkil etish bo‘yicha tajriba ortdi va kelgusi yil ular yanada ko‘proq taniqli insonlarni olib kelishlari mumkin. Menga "Kino 5 kun ichida" g‘oyasi yoqdi, bu yosh kinoijodkorlar uchun ajoyib g‘oya va yangilikdir. Аmmo kelajakda men ingliz va frantsuz rejissyorlarining qisqa metrajli filmlari premyeralarini ko‘rishni istardim. Qanday bo‘lmasin, men ajoyib odamlardan keladigan energiyani his qildim va sevib qoldim. Ular juda yaxshi ishni boshlashgan.
