Britaniyalik rejissyor, Islom haqidagi turkum filmlar muallifi Abdul Latif (Ovidio) Salazar “Ipak yo‘li durdonasi” XV Toshkent xalqaro kinofestivalida ishtirok etadi.
Salazar zamonamizning eng yorqin kinoijodkorlaridan biri boʻlib, islom dini haqidagi filmlar, jumladan “Al-Gʻazzoliy: Baxt kimyogari”, “Makkaga sayohat” hujjatli filmlari va BBCning “Islom yuzlari” seriali rejissyoridir.
Rejissyorning ta'kidlashicha, uning asosiy professional faoliyati musulmon dunyosi haqida filmlar suratga olish bilan bog'liq bo'lsa-da, u butun insoniyatni o'zining tomoshabinlari deb biladi.
Uning joriy yilning bahorida Saudiya Arabistonida premyerasi bo'lib o'tgan "Hijra: Payg'ambar izidan" so'nggi asari Payg'ambarimiz Muhammad (S.A.V)ning 622 yilda Makkadan Madinagacha bo'lgan sakkiz kunlik sayohatlari haqidagi birinchi kinofilmdir.
