Rossiyada xizmat ko‘rsatgan artist Yelizaveta Boyarskaya O‘zbekistondagi qarindoshlari bilan uchrashib, o‘zbek kinosini tomosha qilishni rejalashtirmoqda. Bu haqda u “Ipak yo‘li durdonasi” XV Toshkent xalqaro kinofestivaliga nima sababdan kelganini izohlash jarayonida ma'lum qildi.
“Biz onam Larisa Luppian bilan keldik, u toshkentlik. “O‘zbekfilm” foyesida biz u ishtirok etgan “Sen yetim emassan” filmidan kadrlar suratlarini ko‘rdik. Uning vataniga kelganimiz yaxshi bo'ldi. Bu yerda qarindoshlarimiz yashaydi, ular bilan uchrashamiz”, — dedi Boyarskaya.
Aktrisa O‘zbekiston poytaxtiga kelish ahamiyatli ekanini ta’kidladi.
“Toshkentda bo'lish biz uchun juda muhim. Butun dunyodagi hamkasblar bilan muloqot qilish imkoniyatiga ega bo'lish ham ajoyib. Turli mamlakatlarda, jumladan, O‘zbekistonda ishlangan, tan olaman, ko‘pdan beri ko‘rmagan filmlarni tomosha qilish mumkin. Bu qiziqarli. Ajoyib san'atkorlar, ajoyib suratga olish jarayoni, buni "Bahodir Yalangtush" filmidagi ishlarga qarab baholash mumkin. Umid qilamanki, men nafaqat biznes tadbirlarida ishtirok eta olaman, balki film tomosha qilish imkoniyatiga ega bo'laman”, dedi Boyarskaya.
1 oktyabr kuni Rossiya Federatsiyasida xizmat ko‘rsatgan artist yoshlar uchun master-klass o‘tkazdi.
Elizaveta Boyarskaya "Oltin niqob" va "Oltin burgut" mukofotlari sovrindori. Eng ko'zga ko'ringan asarlar qatorida "Buyuk" serialidagi Ketrin II va "Anna Karenina. Vronskiyning hikoyasi" serialidagi Anna Karenina rollari bor.
