Mehmonlar va ishtirokchilar "Ipak yoʼli durdonasi" XV Toshkent xalqaro kinofestivaliga oid fikrlari bilan boʼlishishda davom etmoqda.
– Bu ajoyib festival va uning ahamiyatli tomoni shundaki, tomoshabinlar diqqatiga nafaqat filmlar, balki rejissyor, aktyorlar bilan uchrashish, ularga savol berish imkoniyatini ham taqdim etmoqda, – deydi vengriyalik kinorejissyor, Müpa Budapes bosh direktori Chaba Keyl (Csaba Káel). – Kinofestival – bu shuningdek, muzokara va hamkorlik uchun qulay maydon. Аfsuski, yevropa kino bozorida Osiyo filmlarini topish juda qiyin, bu hudud aholisi esa har doim ham yevropa filmlaridan bahramand boʼla olmaydi. Hozircha Oʼzbekiston filmlarini koʼrishga muvaffaq boʼla olmadim, biroq bu ishni qilishni juda xohlayman, shuningdek, Vengriya kinolentalariga ulgurish niyatim bor. Bu mening Oʼzbekistonga ilk tashrifim. Bu yil bizda Vengriya filmlari taqdim etilgan. Shulardan biri "Xadik" nomli askar haqidagi tarixiy kartina, yana 19-yilda yaratilgan ajoyib drama - «Toldi» ham bor. Bu oʼziga xos animatsion texnikada ishlangan qiziqarli va zamonaviy film.