“Ипак йўли дурдонаси” Тошкент халқаро кинофестиваляи доирасидаги мастер-классда Ленсовет театри актрисаси ва бадиий раҳбари Лариса Луппиан талабалар, шаҳар аҳолиси ва меҳмонлари билан учрашди.
Унинг хазинасида ўнлаб ижодий роллар, шу жумладан "Сен етим эмассан", "Кечиккан учрашув", "Олдиндан йиғлаяпман!" каби фильмлардаги роллари бор. Шунингдек Ленсовет театрини тўрт йилдан бери бадиий раҳбар сифатида бошқариб келади.
Ижодий учрашув эркин руҳда ўтди, актриса дастлаб балет ва ҳатто, тиббиётга қизиқиши бўлатуриб, кинога қандай келгани ҳақида гапириб берди.
Россия халқ актрисаси Лариса Луппиан Тошкентда туғилган, бир муддат Чирчиқда яшаган, пойтахтнинг 47-мактабида, кейин Чилонзор туманидаги 182-мактабда ўқиган. У "Сен етим эмассан" филмида суратга тушиш учун болаларни излаб мактабга одамлар келишганини эслади. Режиссёр Шуҳрат Аббосов ролларга болаларни шахсан ўзи танлаган.
"Эсимда, директор дадамнинг олдига келиб, унинг жуда истеъдодли қизи борлигини айтди", - деди у.
Бир неча ой ўтгач, оила кичкина Ларисанинг "Сен етим эмассан" филмига тасдиқлангани ҳақида откритка олади. Бу унинг ҳаётида бурилиш нуқтаси эди. Актриса биринчи суратга олиш жараёнлари, тарихий жойларда павильонлар яратилганини эслади.
- Тошкент кинофестивали очилишида Шуҳрат Аббосовнинг "Сен етим эмассан" филмидан парча намойиш этилди, унда менинг қаҳрамоним: "Она, она, онажон”, деб бақиради. Бу филмнинг энг таъсирли лаҳзаси, у ҳиссиётларни жунбушга келтиради. Мен Ўзбекистон кинематографияси тарихида қолганим билан фахрланаман”, - деди Лариса Луппиан.
Шунингдек, у 12 йил олдин Тошкентда бўлганини айтди.
- Шаҳар ўзгармоқда, гўзаллашмоқда, лекин баъзида менга таниш жойлар — хореография мактаби, Телман боғи сақланган. Мен бу ерда зилзилани бошдан кечирдим, ўшанда бизни болалар лагерларига қандай юборишганини эслайман. Менда Тошкент ҳақида энг илиқ хотиралар қолган", - деди Лариса Луппиан.
