“Ipak yo‘li durdonasi” XV Toshkent xalqaro kinofestivali doirasida Yevropa Ittifoqining O‘zbekistondagi elchisi Sharlotta Adrian va O‘zbekiston Kinematografiya agentligi direktori Firdavs Abduxoliqov ishtirokida Yevropa kinofestivalining ochilishi bo‘lib o‘tdi.
Yevropa Ittifoqi vakillari Focus kino maktabi vakili Mariya Musakovaga yosh avlodga kino sohasida taʼlim olishiga qoʻshgan hissasi uchun minnatdorchilik bildirdi. FOCUS kino va teatr maktabi tomonidan joriy yilning yozida Yevropa Ittifoqining moliyaviy ko‘magida boshlangan EU-FOCUS FILM CAMP o‘smirlar uchun ta’lim loyihasi alohida qayd etildi. U yerda o‘qitish bepul bo‘lib, turli nazariy mashg‘ulotlar, master-klasslar, filmlar namoyishi, mahalliy va xorijiy mutaxassislar bilan uchrashuvlar, suratga olishda amaliyotni o‘z ichiga oladi.
Kinematografiya agentligi rahbari Firdavs Abduxoliqov ham ushbu kinomaktabga istiqbolli loyihalar ishlab chiqish uchun moliyaviy mablag‘ ajratish tashabbusi bilan chiqdi.
