Qozog‘istonlik taniqli kinotanqidchi Karim Kadirbayev bilan Toshkent Xalqaro kinofestivalida doirasida ijodiy uchrashuv bo‘lib o‘tdi.
Ushbu ijodiy uchrashuvda u kino sohasida tahsil olayotgan talaba yoshlarga Qozog‘istondagi komediya janri haqida batafsil ma'lumotlarni berib o‘tdi.

Qozog‘istonda komediya janrining ildizlari 50-yilllarga borib taqaladi va, asosan, u yerda oila mavzusi ustuvor bo‘lgan. Hozirgi kunda komediya janrida suratga olingan eng muvaffaqiyatli film Shaken Aymanovga tegishli bo‘lib, uning komediyasi 1 million dollar daromad qilgan va Markaziy Osiyoda komediya janri yo‘nalishidagi million dollarlik byudjetga ega bo‘lgan yagona filmdir.

Bundan tashqari kinotanqidchi qozoq filmlarining muvaffaqiyatlari, ustunliklari va kamchiliklarini ham o‘z nuqtayi nazaridan kelib chiqib, aytib o‘tdi. Bir necha ajoyib filmlarning million dollarlab daromad qilgani va buning uchun nimalar qilingani borasida ham atroflicha ma'lumotlar berildi. Uning fikricha, barcha kino janrlari qatori, komediyalarda ham albatta qadriyatlar aks etishi lozim. Bu borada u o‘z fikrini qo‘llab-quvvatlab quyidagi fikrlarni bildirdi: "Qozog‘iston kino komediyalarida albatta oilaviy qadriyatlar yoritiladi va uni saqlab qolishga targ‘ib qilinadi".

Ijodiy uchrashuv so‘nggida u talaba yoshlarni qiziqtirgan barcha savollarga javob berib o‘tdi.