Ayak Ordyan, prodyuser va rejissyor (Armaniston)
– Toshkent kinofestivalida ilk marta ishtirok etishim. Biroq, o‘tgan yili filmim festival dasturida namoyish etilgandi. Hozirda birinchi o‘zbek-arman loyihasini ishlab chiqmoqdamiz. Bu to‘liq metrajli badiiy film. Kinofestival haqida gapiradigan bo‘lsam, uning muhim tarkibiy qismi – mahorat darslari va ijodiy uchrashuvlarni alohida qayd etishim mumkin. Axir, ularning barchasi yoshlarga yo‘naltirilgan. Bu nega muhim? Agar biz ertaga yurtimizda yaxshi, sifatli filmlarni tomosha qilishni istasak, malakali mutaxassislarni hozirdanoq yetishtirishimiz kerak. Toshkent xalqaro kinofestivali allaqachon dunyo kinofestivallari ro‘yxatida o‘z o‘rniga ega. U haqida gapirishadi, uni bilishadi. Bu ham festivalning eng yaxshi ko‘rsatkichidir.
Azamat Sotiboldi, Shaken Aymanov nomidagi “Qozoqfilm” AJ prezidenti
– Festivalga birinchi yil kelishimiz emas. Yildan yilga uning qamrovi kengayib boryapti. Festival yanada jadal rivojlanishiga ishonchim komil. O‘zbekiston uchun mazkur kinofestival – butun mamlakat kino sanoatining chinakam asosi, poydevori. Agar festival davomida qandaydir ilmiy yondashuvlar bo‘lsa, kino rivojlanadi, chunki kino ham o‘ziga xos fandir. Men shunday muhim ahamiyatga ega festival uzoq umr ko‘rishi va gullab-yashnashini istardim.
Aida Abdullayeva – madaniyat arbobi (Italiya)
– O‘zbek filmlarini chet ellarda ko‘proq namoyish etish kerak. Toshkent kinofestivalidek yirik tadbirda ikkinchi bor ishtirok etayotganimdan juda xursandman. Bu yerda doim qiziqarli filmlarni taqdim etishadi. Ishonch bilan aytamanki, bunday tadbirni o‘tkazish juda zarur. Qolaversa, o‘zbek filmlarini xorijda ko‘proq namoyish qilish kerak. Italiyada, masalan, Venetsiya festivalida. Dunyo o‘zbek filmlari haqida ko‘proq bilishi kerak.