Rejissyor O‘zbekistonga kelib, film suratga olishga vaʼda berdi

Toshkent xalqaro kinofestivalining mehmonlari bilan bo‘layotgan uchrashuvlar davom etmoqda. Bugun Raj Kapurning to‘ng‘ich o‘g‘li Randhir Kapur kinoijodkorlar, talabalar va OAV vakillari bilan uchrashdi.

— Bu festivalning qayta tiklanishi olamshumul voqea bo‘ldi. Chunki bu yerda dunyoning ko‘plab davlatlaridan ijodkorlar tashrif buyurishgan. O‘zbekistonga kelish istagida yurganlarga bu festivalning tiklanishi yaxshi bir bahona bo‘ldi. Istagim, festival qaldirg‘och kabi qanot yozsin va parvozi uzoq yillar davom etsin. Xalqingizning otamga bo‘lgan yuksak mehrini bilardim. Lekin O‘zbekistonga kelib, sizlarning Raj Kapurga bo‘lgan muhabbatingiz haliyam o‘shanday qaynoq ekanini, uni unutmaganingizni ko‘rib, juda taʼsirlandim. Otam sizlar uchun filmlar yaratgan va bugun shunga amin bo‘ldimki, u bejiz yashamabdi. Sizlarning otamga va hind sanʼatiga bo‘lgan muhabbatingiz uchun ham Hindiston eng yaxshi filmlarni suratga olishga majbur deb o‘ylayman. Siz otamni sevganingiz kabi biz ham sizni shunchalik qadrlaymiz! Mana shu mehringiz haqqi-hurmati davlatingizga kelib, film suratga olaman. Bu – mening vaʼdam!

Eslatib o‘tamiz, kinofestival bosh homiysi: AGMK, NGMK va “O‘zbekneftgaz”. Hamkor homiylar: “O‘ZBEKTELEKOM”, “O‘zdonmahsulot” AK, “O‘zpromstroybank”ATB, “Ipoteka-bank” ATIB, “Asakabank”AJ, “O‘zbekiston temir yo‘llari”, “Hududgazta’minot”, “UzAuto Motors”AJ, “O‘zmetkombinat” AJ, “Milliy bank”AJ, “Farg’onaazot”AJ, “Eriell”, “Bosch”, “Easy Booking”.

Ташкентский международный кинофестиваль -XIV

Fotomateriallar

Videomateriallar